حبيبتى...!

♥ حبيبتى ♥

مش قادر انسى ايامها وصوتها وطريقة كلامها

وغمض عينى وافتكر لما بكون قدمها

يا سلام عليها فى رقتها دا انا كنت بدوب من نظرتها

ولما بسلم لعيونها بكون اسير انا قدامها

دا انا لسة فاكر طلتها وخجلها ويا وقفتها

ولما تقولى كفاية هزار كنت بعاند عشان اشوف ضحكتها

والله عليها فى غيرتها ولا وحدة فى الكون فى صورتها

مش قادر اعيش من غيرها ولا عارف اكمل مع غيرها 

وانا لسة عايش فى الذكرى مش قادر افوق انا لبكرة

من بعد ما عشقت هواها وفرحنا كان كل مناها

القدر كان اقوى منى واندفنت احلامى معاها

اوقات بحس بيها وبطفها لما بكون قاعد وفاكرها

والله مشتاق لرؤيتها ولمسة ايديها ومحبتها 

ولا كلمة حب تكفيها غير دعوة قلبى لجنتها

ولما بحن لأيامها وصورتها وطريقة كلامها

اغمض عينى وفتح وادعيلها الله يرحمها

بــ♥ـدر

لية...!

♥  لـــيـــــة ♥

ليه كل ما تجى تكلمينى انسى اللى فات ومصدكيش
ولما تبعدى استغرب واحاول منك تانى اقرب واكلمك تصدمنى وماترديش
فى عز ضعفك بكون جنبك ولما احتاجلك ملائكيش
وليه اسلوب الانانية تحبي تاخدى بس ومابتديش

انا غلطان انى بمد ايدى لوحدة زيك ماتساويش
احساسى ازاى خدعنى بحبك اللى وجعنى
كان بإيدى اجرحك بس قلبى منعني
ازاى شافك ملاك وعن غدرك كان معمى
وعلى اساس ايه انتى جايه بدمعتين وكلام حنيه
فاكرة هياثر فيا ده كان زمان
خلاص انا قلبى اتعلم ولا لحظة فى بعدك يتألم
ولا هضعف تانى وافكر فى حبك اللى كان

 بــ♥ـدر